Tuesday, December 27, 2011

Tuesday, December 27, 2011 0

കാലം

കാലമേ നീയൊരു പൂജ്യനായി
കാലന്തരങ്ങളായ് വാണിടുന്നു 
കാലമിതൊത്തിരി കഴിഞ്ഞു പോയി 
കലികാലം മാത്ര മിനി ബാക്കിയായി

ശ്രീരാമന്‍ ശ്രീകൃഷ്ണന്‍ ശ്രീഹനുമാന്‍
ബാലരാമനര്‍ജുനന്‍ ഭീമസേനന്‍
കാലമിതൊത്തിരി  നായകരെ 
കാണിച്ചുവല്ലോ മാതൃകയായ് 

കാലമൊരു വറ്റാത്ത കടലല്ലോ 
തളരാത്ത വരളാത്ത സത്യമല്ലോ 
കാലമോരഞ്ഞാത ശക്തിയല്ലോ 
കാലമേ കാക്കുകീ പാരിനെ നീ!

വിനോദ്
Tuesday, December 27, 2011 8

കുട്ടി കവിതകള്‍




കിളിയും കുട്ടിയും

കിളിയേ കിളിയേ എങ്ങോട്ടാ?
മലയുടെ കീഴൊരു ഗ്രാമത്തില്‍
അവിടെ പ്പോയാലെന്തുണ്ട് ?
വയറു നിറക്കാന്‍ വകയുണ്ട്.









തേന്‍ മാവ് 

മാവേ മാവേ തേന്‍മാവേ 
ഇനിയുമിതെന്തേ പൂത്തില്ല  ?
കുട്ടീ കുട്ടീ പറയാം ഞാന്‍ 
പൂക്കാന്‍ കാലമതായില്ല.

മധുരം

കിളിയേ കിളിയേ പറന്നാട്ടേ 
മാനം മുട്ടെ ഉയര്‍ന്നാട്ടെ 
മഴയേ മഴയേ പെയ്താട്ടെ
നദികള്‍ നിറയെ പെയ്താട്ടെ
അമ്മേ അമ്മേ തന്നാട്ടെ 
മധുരം നിറയെ തന്നാട്ടെ

കടംകവിത 

കടലും കരയും അറിയും കുട്ടി
കടലില്‍ ഉള്ളൊരു കരയേത് ?
തോറ്റെങ്ങില്‍ ഞാന്‍ പറയട്ടെ
ചാകരയാണത് കേട്ടോളൂ

മാനം മുട്ടെ ഉയരും കിളിയേ
മാനത്തുള്ളോരു വില്ലേതു ?
തോറ്റെങ്ങില്‍ ഞാന്‍ പറയട്ടെ
മഴവില്ലാണതു കേട്ടോളൂ.

മുത്തശ്യന്‍ 

എങ്ങും എവിടെയും വെട്ടം വിതറി
മാനത്തുണ്ടൊരു  മുത്തശ്യന്‍ 
എങ്ങും എവിടെയുമുണര്‍വു പരത്തി
പുഞ്ചിരിതൂകും മുത്തശ്യന്‍ 





വിനോദ് ചിറയിൽ 

Tuesday, December 27, 2011 2

പുഴ

പ്രകൃതിതന്‍ വരദാനമല്ലോ പുഴ
വിക്രിതികള്‍ക്കുല്ലാസ വേദിയല്ലോ
പാപികള്‍ക്കവസാന രക്ഷയല്ലോ 
പാവമാമാഗതിക്ക് അന്നമല്ലോ

ഭക്തര്‍ തന്‍ ആശ്രിത വത്സല നീ 
ഭിക്ശുവിനന്നത്തെ ഭക്ഷണം നീ
കേഴുമീ ഭൂമിതന്‍ അശ്രുവല്ലോ 
വാഴുമീ ജീവികല്‍ക്കഭയമല്ലോ



വിനോദ്

Friday, December 23, 2011

Friday, December 23, 2011 3

ഏകാകി

നിന്‍ ഹൃദയ രാഗം;  മാത്രം തേടും-
വെറും ഏകാകി ഞാന്‍
ഏക മോഹം, ഏകാകി ഞാന്‍ ...
എന്മനസ്സിന്‍ എതോകോണില്‍ ...
നിന്‍ മുഖപടലം...
നിന്‍ സ്നേഹഭാവം... 
നിന്‍ മന്ദഹാസം.
നിന്‍ ഹൃദയ രാഗം; 
മാത്രം തേടും -
വെറും ഏകാകി ഞാന്‍.


നിന്‍ സ്വപ്നക്കൂടിലെ;
കിളിയായ് ഞാന്‍ മാറിടാം,
നിന്‍ സ്വപ്ന വാടിയിലെ;
പുഷ്പമായ് ഞാന്‍ മാറിടാം,
എന്‍ മോഹഗാനനാദം...
നിന്‍ മനക്കാതിലെത്തുമോ...?
നിന്‍ ഹൃദയ രാഗം;
മാത്രം തേടും-
വെറും ഏകാകി ഞാന്‍.


എന്മോഹരാഗത്തിലലിഞ്ഞിടാന്‍...
എന്‍ ഹൃദയ താള മറിഞ്ജീടാന്‍...
ഒരു സ്വപ്നത്തിലെങ്കിലും; 
നീ വന്നിടുമോ...?
നിന്‍ ഹൃദയ രാഗം;
മാത്രം തേടും-
വെറും ഏകാകി ഞാന്‍.

വിനോദ് ചിറയിൽ 

Saturday, December 10, 2011

Saturday, December 10, 2011 3

പുതുവത്സരം


പുതിയ പ്രഭാതം വന്നെത്തി........
പുതിയൊരു നാളെയെ വരവേല്‍ക്കാം.....
പുതിയ പ്രതീക്ഷകള്‍ നിറയട്ടെ ......
നമ്മില്‍ നന്മകള്‍ വളരട്ടെ
എല്ലാവരെയും സ്നേഹിക്കൂ ......
സ്നേഹം വിണ്ണില്‍ പടരട്ടെ ......
നീയും ഞാനും എന്നല്ല ......
നമ്മള്‍ എന്ന് പഠിച്ചീടാം ......

കപട മുഖങ്ങളെ അറിയുക നാം ......
അവരുടെ വലയില്‍ കുടുങ്ങരുതേ ......
ജാതി മതങ്ങള്‍ തുലയട്ടെ......
സാഹോദര്യം വളരട്ടെ ......
പോയൊരു വര്ഷം ചെയ്തൊരു തെറ്റുകള്‍ ......
എന്താണെന്നിന്നരിയുക നാം......
ഇന്നലെ നമ്മള്‍ ചെയ്തൊരു തെറ്റുകള്‍ ......
പുതു വര്‍ഷത്തില്‍ തിരുത്തീടാം ......
കൊഴിഞ്ഞു പോകും ഓരോ നിമിഷവും ......
തിരിച്ചു കിട്ടില്ലറിയുക നാം ......
പുതുവര്‍ഷത്തില്‍ പുതിയൊരു ലക്‌ഷ്യം ......
നമ്മുടെയുള്ളില്‍ കാണേണം ......
ശാന്തി സുഖങ്ങള്‍ നിറഞ്ഞൊരു......
നാളേക്കായി പ്രാര്‍ത്ഥിക്കാം ......
സര്‍വ്വോപരി നാം നമ്മെ പുതിയ പ്രഭാതം......
കാട്ടിത്തന്നൊരു സര്‍വ്വേശ്വാരനെ നമിച്ചീടം......

എസ് . ഭാസ്കർ

Friday, December 09, 2011

Friday, December 09, 2011 15

സുഖനിദ്ര


രാവേറെയായി...  രാപ്പാടി  കേഴുന്നു .....
ഇനിയോന്നുറങ്ങട്ടെ ഞാന്‍ ഗാഡമായി ....
ദൂരെ എങ്ങോ പുലര്‍കോഴി കൂവുന്നു .....
നിദ്രാവിഹീനമായ് ഒരു രാത്രി കൂടി .....
കപടമീ ലോകത്ത്  സ്നേഹമുണ്ടോ  ?
കാരുണ്യം എന്നത് കേഴ്വിയുണ്ടോ  ?
കശ്മലക്കൂട്ടങ്ങള്‍ കലി തുള്ളിയോടുന്ന
കാരാഗ്രഹത്തില്‍ വസിക്കുന്നു  നമ്മള്‍ !!
തട്ടിപ്പറിച്ചും, വെട്ടിപ്പിടിച്ചും.....
അന്യന്റെ വസ്തുക്കള്‍ അപഹരിക്കുന്നു  നാം ...
ഒരു ചാണ് വയറിന്‍  വിശപ്പടക്കാന്‍
ഒരു ലോകം മുഴുവനും കാല്‍ക്കലാക്കും .....
താരാട്ടു പാടിയും  വല്സല്യമേകിയും
ഞാന്‍ ലാളിച്ചു വളര്തിയെന്‍ മക്കളും
ആര്തിപൂന്ടെന്‍ രക്തം ഊറ്റിക്കുടിക്കുന്നു
ശോഷിച്ചുണങ്ങിയെന്‍ ദേഹവും വെട്ടി പകുക്കുന്നു !!
കെട്ടിപ്പിടിച്ചും  കുശലം  പറഞ്ഞും
എന്മുന്പില്‍  കാണുമീ  ഉറ്റവരോക്കെയും
പിന്നില്‍ നിന്നെന്നെ കുത്തി നോവിക്കുന്നതും,
കലിയുഗ  കഴ്ച്ചകളായിരിക്കാം!!
ദൂരെ  എങ്ങോ  കുറുനരികള്‍  ഒരിയിടുന്നുവോ .....
ശവം തീനി  പട്ടികള്‍ പാഞ്ഞടുക്കുന്നു
ഒരു  വേള  ഞാനൊന്നു കണ്ണടച്ചാല്‍ ,
എന്റെ  ഈ  ദേഹവും  അവര്‍ കൊത്തി പറിച്ചെക്കും!!
ഇനി വയ്യ ... ഒരു മാത്ര ഉണര്‍ന്നിരിക്കാന്‍ .....
ഇനിയൊരു പ്രഭാതവും എനിക്കുവേണ്ട .....
ആഗ്രഹിക്കില്ല ഞാന്‍ ഇവിടിനിയൊരു പുനര്ജ്ജനിയും
ആഗ്രഹിക്കുന്നു ഞാന്‍ എല്ലാം മറന്നോന്നു
ആഗ്രഹിക്കുന്നു ഞാന്‍ നിങ്ങള്‍ എനിക്കായ്  നല്‍കിയ .....
ആറടി  മണ്ണില്‍  ഉണരാതുറങ്ങുവാന്‍
ഈ  ആറടി  മണ്ണില്‍  ഉണരാതുറങ്ങുവാന്‍
ഈ  ആറടി  മണ്ണില്‍ഉണരാതുറങ്ങുവാന്‍ .....

എസ് . ഭാസ്കർ

Thursday, December 08, 2011

Thursday, December 08, 2011 3

മുല്ലപെരിയാരിന്റെ സ്പന്ദനങ്ങള്‍!

മുല്ലപെരിയാര്‍ ഡാം പുകയുന്നു.  പ്രശ്നം വെള്ളതിന്റെതാനെങ്കിലും  അവിടെ ഇപ്പോള്‍ തീയാണ്. (മണ്ണെണ്ണ അല്ലാത്തത് ഭാഗ്യം!).  തമ്മില്‍ തല്ലു നിറുത്താന്‍ കേരള രാഷ്ട്രീയക്കാര്‍ക്ക് കഴിയില്ലെങ്ങിലും ഈ പ്രശ്നത്തില്‍ ചില കാര്യത്തിലെങ്കിലും സമവായം ഇവരുടെ ഇടയില്‍ ഉണ്ടായത് നന്നായി. കേന്ദ്രം ഭരിക്കുന്ന പാര്‍ട്ടിക്ക് ഒത്തിരി എംപി മാരെ നമ്മള്‍ സംഭാവന നല്‍കിയെങ്കിലും കാര്യതിന്ടടുത്തു  എത്തുമ്പോള്‍ സ്വന്തം കാര്യം സിന്താബാദ്‌ എന്നാ മട്ടിലാണ് നമ്മുടെ എംപിമാരും മന്ത്രിമാരും. കേന്ദ്ര സര്‍ക്കാരില്‍ നല്ല സ്വാധീനമുള്ള നമ്മുടെ മന്ത്രിമാര്‍ "ബബ്ബ ബ്ബാ " എന്നാ മട്ടിലാണ്.

കേരള സര്‍ക്കാരും രാഷ്ട്രീയക്കാരും തങ്ങളുടെ നയം വളരെ വ്യക്തമാക്കിയിരിക്കുകയാണ് - തമിഴ്നാടിനു  വെള്ളം , കേരളത്തിന്‌ സുരക്ഷ!  അതില്‍ കുറഞ്ഞു ഒരു വ്യവസ്ഥക്കും കേരളം തയ്യരാകരുത്.  കലക്ക് വെള്ളത്തില്‍ മീന്‍ പിടിക്കാന്‍ ഇടതു പാര്‍ട്ടികള്‍ ഇടയ്ക്കു ശ്രമിച്ചെങ്കിലും തത്വത്തില്‍ അവര്‍ കേരള സര്‍കാരിന്റെ നിലപാടിനോട് യോജിക്കുമെന്നു തോന്നുന്നു.

ഇതിനിടെ തമിഴ്നാടിലുള്ള കേരളീയരെ ആക്രമിക്കുന്ന സംഭവങ്ങള്‍ റിപ്പോര്‍ട്ട്‌ ചെയ്യപെട്ടിട്ടുണ്ട്.  ഇതില്‍ സര്‍ക്കാര്‍ ഇടപെട്ടു സ്ഥിതിഗതികള്‍ ശാന്ത മാക്കണം.   ധാരാളം തമിഴര്‍ കേരളത്തിലും കേരളീയര്‍ തമിഴ്നാടിലും ജോലി ചെയ്യുന്നുണ്ട്.  അവരുടെ സ്വത്തിനും ജീവനും സംരക്ഷണം നല്കാന്‍ അതാതു സര്‍ക്കാര്‍ തയ്യാറാകണം.

കേരള ജനങ്ങളുടെ ഭീതി അകത്താന്‍ വേണ്ട നടപടികള്‍ തമിഴ്നാട് തയ്യാറാകണം.  ഇപ്പോഴത്തെ നിലയില്‍ ഡാം പുതുക്കി പണിയുകയല്ലാതെ വേറെ മാര്‍ഗം ഇല്ല.  ദേശീയ മാധ്യമങ്ങള്‍ മുല്ലപെരിയാര്‍ വിഷയം പറയുന്നുടെങ്കിലും ഇവിടുത്തെ സരിയായ പ്രശ്നം അവര്‍ക്ക് മനസിലായില്ല എന്ന് തോന്നുന്നു.   തമിഴ്നാടും കേരളവും തമ്മില്‍ വെള്ള പ്രശ്നം എന്നാ രീതിയില്‍ ആണ് അവര്‍ ചിത്രീകരിക്കുന്നത്.   കേരള ജനങ്ങള്‍ സുരക്ഷയാണ് ആഗ്രഹിക്കുന്നത്.  അതുരപ്പുവരുത്താന്‍ കേന്ദ്ര ഗവണ്മെന്റ് ഇടപെടണം.    ഇത് മറ്റൊരു 'കാവേരി" ആക്കി തീര്‍ക്കരുത്‌.

കേരളീയരായ നാം ഈ പ്രശ്നത്തില്‍ ഒറ്റക്കെട്ടായി നില്‍ക്കണം.  മുല്ലപ്പെരിയാറിന് സമീപം ഉള്ള ജനങ്ങളുടെ ജീവന്റെ രക്ഷക്കായ് നമുക്ക് ഒന്നിച്ചു പോരാടാം.  രാഷ്ട്രീയ കക്ഷികള്‍ വേറിട്ട്‌ നില്‍ക്കാതെ ഒരുമിച്ചു നിന്ന് ഇതിനെതിരായി പോരാടണം.

നമുക്ക് തമിഴ്നാടുമായുള്ള നല്ല ബന്ധം നിലനിര്‍ത്തിക്കൊണ്ട് - രണ്ടു പേരുടെയും ആവശ്യം സംരക്ഷിച്ചുകൊണ്ട് ഒരു സമവായത്തില്‍ എത്താം.   നമ്മുടെ മുഖ്യന്‍ പറഞ്ഞത് പോലെ - "കേരളത്തിന്‌ സുരക്ഷ ! തമിഴ്നാടിനും വെള്ളം!

വിനോദ് 

Friday, December 02, 2011

Friday, December 02, 2011 4

തത്തമ്മ

പുത്തരി നെല്ല് വിളഞ്ഞല്ലോ...
പുഞ്ഞപ്പാടം കൊയ്യരായ്...
കൊയ്ത്തിനു നീയും പോരുന്നോ...
തത്തി നടക്കും തത്തമ്മേ...
പച്ച തത്തമ്മേ...

പൊത്തിളിരിക്കും തത്തമ്മേ ...
പാറി നടക്കും തത്തമ്മേ...
നെന്മണി കൊത്താന്‍ പോരുന്നോ...
നെല്ല് കൊറിയ്ക്കാന്‍ പോരുന്നോ...
കുഞ്ഞി തത്തമ്മേ...

കൊയ്ത്തു കഴിഞ്ഞൊരു പാടത്ത്...
മാടപ്രാവും മൈനയുമായ്...
പൈക്കിടാവിന്‍ മേലേറി...
ഉലകം ചുറ്റാന്‍ പോരുന്നോ...
കള്ളി തത്തമ്മേ...

പച്ച വിരിച്ചൊരു പാടത്ത്...
പാടവരമ്പിന്‍ തീരത്ത്...
കലപില കൂട്ടി നടക്കാലോ...
കഥകള്‍ പറഞ്ഞു നടക്കാലോ...
പോരൂ തത്തമ്മേ... കള്ളിതത്തമ്മേ...

പച്ച പുതച്ചൊരു തത്തമ്മേ...
ചുണ്ട് ചുവന്നൊരു തത്തമ്മേ...
എങ്ങിനെ ചുവന്നു നിന്‍ ചുണ്ട്....?
വെറ്റില മുറുക്കി ചുവപ്പിച്ചോ...?
ചൊല്ലൂ തത്തമ്മേ...  പച്ച തത്തമ്മേ...

കൂട്ടിനകത്തെ തത്തമ്മേ...
കുറുമ്പ് കാട്ടി നടക്കരുതേ...
കണ്ടന്‍ പൂച്ച വരുന്നുണ്ടേ...
കണ്ടാല്‍ നിന്നെ പിടിച്ചീടും...
കറുമുറെ യങ്ങ് തിന്നീടും!!

കണ്ണകി

Tuesday, November 29, 2011

Tuesday, November 29, 2011 2

അനുരാഗിണി

ഇത്രമേല്‍ നീയെന്നെ
സ്നേഹിച്ചിരുന്നെങ്കില്‍ ...
ഇത്രയും ദൂരെ നീ പോയതെന്തേ ...?
ഒരു ജന്മം മുഴുവനും
ഓര്‍മ്മിക്കുവാനായി ...
ഒത്തിരി വേദന തന്നതെന്തേ ...?

ക്ഷണികമാം ജീവിത യാത്രയില്‍ ...
ക്ഷണിക്കാതെ വന്നു നീ
വിരുന്നുകാരീ ...
എന്നാത്മാവിലറിയുന്നു ഞാനിന്ന്‍ ...
നീ അറിയാതെ ... നിന്നെ ഞാന്‍
സ്നേഹിച്ചിരുന്നുവെന്ന് !!

അന്ന് നീ എനിക്കായ് സ്നേഹത്താല്‍
നീട്ടിയ പ്രണയ പുഷ്പ്പത്തെ
വലിച്ചെരിഞ്ഞിന്നു  ഞാന്‍ ...
ഒരിറ്റു സ്നേഹത്തിനായ്
അലയുന്നതും;
കാലമാം കശ്മലന്‍ എന്നോടു
ചെയ്തൊരു
നീതിയാവാം !!!!

അനുരാഗലോലുപേ ഒരുവേള ...
ഹൃദയത്തിലരിയുന്നു  ഞാനിന്ന്‍ ...
"നമ്മള്‍ സ്നേഹിക്കുവോരെയല്ല,
നമ്മളെ സ്നേഹിക്കുന്നോരെ
നമ്മള്‍ സ്നേഹിക്കുവാന്‍".

ഏകനാം ഞാനിന്ന്‍ മോഹിക്കുന്നോമാനേ  !!!
ഒരു വേള ... ഒരു കാതം ...
അകലെ നീ
ഉണ്ടായിരുന്നെങ്കിലെന്ന്‍ ...
നിന്‍ തൂമന്ദഹാസം കാണുന്നു
ഞാനിന്നും ഓമലേ...
നിശയില്‍ തിളങ്ങും
താരങ്ങളിലൂടെ ....

എസ് . ഭാസ്കർ

Tuesday, November 15, 2011

Tuesday, November 15, 2011 0

അനാഥന്‍

തിരകള്‍ക്കു തേടുവാന്‍ തീരമുണ്ട്
നദികള്‍ക്ക് ചേരുവാന്‍ കടലുമുണ്ട്
കിളികല്‍ക്കനയുവാന്‍ കൂടുമുണ്ട്‌
തേടുവാനിന്നെനിക്കാരുമില്ല !

തുള്ളി ക്കളിച്ചും കിതച്ചോടുവില്‍
നുരയും പതയുമായ് തീരം തേടും
ചക്രവാളത്തില്‍ നിന്നെത്തിടുന്ന, 
തിരകള്‍ക്കു പുല്‍കുവാന്‍ തീരമുണ്ട്
എല്ലാം മരന്നലിഞ്ഞില്ലാതാകാന്‍ ;
തിരകള്‍ തേടുന്ന തീരമുണ്ട്



എത്ര പാദസരങ്ങള്‍ കിലുക്കി
കടലിനെത്തെടി ജൈത്രയാത്ര;
കുനുങ്ങിക്കുനുങ്ങി ഒഴുകിടുന്ന,
ഉരഗങ്ങലെപ്പോല്‍  പാഞ്ഞിടുന്ന 
നദികള്‍ക്ക് തേടുവാനഴിയുണ്ട്;
അന്ധ്യത്തിലെത്താന്നോരിടവുമുന്ടു


കതിര്മേനി കൊത്തി പെറുക്കിടുന്ന,
കിളികല്‍ക്കനയുവാന്‍ കൂടുമുണ്ട്‌
കൂട്ടില്‍ കിളിക്കുഞ്ഞുങ്ങളുണ്ട്
നല്‍കുവാന്‍ വാല്‍സല്യമെരെയുണ്ട്


തോണി തുഴയാനരയനുണ്ട്
അരയനെയേട്ടുവാന്‍ തോണിയുണ്ട്
അരയനും തോണിക്കും കടലുമുണ്ട്
ഇരുവര്‍ക്കും വേണ്ടാതാ കടലിലുണ്ട്


പകലന്തിയോളം പണിയെടുത്ത്
പാടത്തുനിന്നും മാടത്തിലേക്ക്
ചെരുമിക്ക് തേടുവാന്‍ മാരനുണ്ട്
മാരന്റെ ചെരുമക്കിടാങ്ങളുണ്ട്


മുത്തിനുമുത്തായ് ചിപ്പിയുണ്ട്
ചിപ്പിതന്നുല്‍ത്തുടിപ്പായ് മുത്തും
മുത്തിനെ പേശുവാന്‍ വിലയുമുണ്ട്
ഒടുവിലെത്താന്‍  രമ്യ ഹര്‍മ്യങ്ങളും


മുത്തിനെ പേറുവാന്‍ ചിപ്പിയുണ്ട്
ചെരുമിക്ക് ചെരുമക്കിടാങ്ങളുണ്ട്
അരയനെ കാക്കുവാന്‍ കടലുമുണ്ട്
തേടുവാനിന്നെനിക്കാരുമില്ല !

നന്ദകുമാര്‍ വള്ളിക്കാവ്

Saturday, November 12, 2011

Saturday, November 12, 2011 5

ഒരു പൂവിന്റെ ജന്മം

പൂവിരിഞ്ഞു ഇന്ന് വീണ്ടും; 
നിന്നധര പൂവാടിയില്‍, 
പുത്തനോര്‍മ പുഞ്ചിരിച്ചു; 
ഇന്നലെകളിലെന്നപോലെ.... 
പോയകാലം ഈവഴിയില്‍ ...
കാല്പാടുകലെന്നപോലെ;
കന്നിഴകളില്‍ നിന്നുതിരും
അസ്രു കണമെന്നപോലെ...

എത്ര കാലം കാത്തിരുന്നു....
നിന്‍ ചൊടിമലര്‍ കാണുവാനായ്...
ഇന്നുമെന്റെ കന്നിഴകള്‍;
നിന്‍ ചൊടിയിതല്‍  തേടിടുന്നു ...

നിന്ചൊടി പൂവോരുനാള്‍;
കാലടിയിലമര്‍ന്നിടുമോ...?
എന്‍  കഴുത്ത്തിനോമാനാം ...
ഹാരമായ്‌ തീര്‍ന്നിടുമോ... ?

വിനോദ് ചിറയിൽ 

Friday, November 11, 2011

Friday, November 11, 2011 2

ദാസനും വിജയനും


ദാസനും വിജയനും ഒരു കുട്ട്യാന്ന്യെഷനവുമായി ഗള്‍ഫില്‍.
ദാസന്‍ എത്തി ഒരാഴ്ച കഴിഞ്ഞാണ് വിജയന്‍ ഗള്‍ഫില്‍ എത്തുന്നത്. 
വിജയന്‍   -  എടാ ദാസാ എന്തുണ്ട്   ഒരാഴ്ചയായി ഞാന്‍ ഇല്ലാത്തതിനാല്‍ നീ കഷ്ടപെട്ടെന്നു തോന്നുന്നു ?
ദാസന്‍ - ശരിയാ നീ ഇല്ലാത്തതിനാല്‍ ഒരു സുഖവും ഇല്ല.  കന്നുണ്ടാവുമ്പോള്‍ കണ്ണിന്റെ വില അറിയില്ല. ഞാന്‍ നിന്നെ ശരിക്കും ഓര്‍മിച്ചു.
വിജയന്‍ - എനിക്കറിയാം എന്ത് തന്നെയായാലും നീ സ്നേഹമുള്ളവനാ. അതിരിക്കട്ടെ നീ എന്താ എന്നെ ഓര്‍മ്മിക്കാന്‍ കാരണം ?
ദാസന്‍ - രാവിലെ ഡ്യൂട്ടി ക്ക്   പോവാന്‍ ഒരുങ്ങിയപ്പോള്‍ ശൂവിട്‌ന്ബോലാ നിന്നെയോര്ത്തത്. 

വിജയന്‍ - ശരിയാ എന്നും ഒന്നിചെല്ലേ നമ്മള്‍ ഇര്നങ്ങുന്നത് 
ദാസന്‍  - അതെല്ല ഷൂ പോളിഷ് ചെയ്യാന്‍ നീ ഇല്ലല്ലോ എന്നോര്‍ത്തിട്ട.
വിജയന്‍ - ഹും. അല്ലേലും നീ നന്ദി ഇല്ലാത്തവന..  നിന്റെ മനസ്സു നിറയെ കോമ്പ്ലെക്സാ
ദാസന്‍ - നിനക്ക് അറിയാവുന്ന പണിയെല്ലേ നിനക്ക് തരുവാന്‍ പറ്റൂ?
വിജയന്‍  -നീ എന്നെ അങ്ങനെ കൊചാക്കുവെന്നും  വേണ്ട.  നമ്മള്‍ തെളിയിച്ച കേസില്‍ ഒകേ എന്റെ ബുദ്ധി കൊണ്ടാ നമ്മള്‍ വിജയിച്ചത്.
ദാസന്‍ - നിന്റെ ഓരോ മണ്ടത്തരങ്ങള്‍ കൊണ്ടാ എല്ലാ കേസും തെളിയിക്കാന്‍ ലേറ്റ് ആയതു.
വിജയന്‍  - ആരാണ് മണ്ടനെന്നു ഈ കേസില്‍ ഞാന്‍ തെളിയിച്ചു തരാം.  ഈ കേസും തെളിയിക്കാന്‍ എന്റെ കയ്യില്‍ നല്ലൊരു ഐഡിയ ഉണ്ട്. 
ദാസന്‍ - ഓഹോ.. എന്ദാനത് CID വിജയന്‍ ?
വിജയന്‍ - അങ്ങനെ വഴിക്ക് വാ.   നമുക്ക് ആദ്യം കുറ്റവാളിയുടെ ചോര എടുക്കാം, അപ്പോള്‍ പിന്നെ കുറ്റവാളിയെ കണ്ടു പിടിക്കാന്‍ എളുപ്പം അല്ലെ.
ദാസന്‍ - വായ്‌ തുറന്നാല്‍ മണ്ടാതരെമേ പറയൂ.  എടാ കുറ്റവാളി ആരെന്നറിയാതെ നമുക്കെങ്ങനെ രക്തം എടുക്കാം പറ്റും ?
വിജയന്‍ - ഓ ഞാന്‍ അത്ര കടന്നു ചിന്ധിച്ചില്ല. അത് പോട്ടെ എനിക്ക് വേറൊരു ഐഡിയ ഉണ്ട്.  ഇതുവരെ ആരും ചെയ്യാത്ത  ഒന്ന്.
ദാസന്‍ - എന്താണത് ?
വിജയന്‍ - നമുക്ക് വേഷം മാറി ചെല്ലം 
ദാസന്‍ - അതെ. എങ്കില്‍ ഒരു അറബിയുടെ വേഷം തന്നെ ആയിക്കൊറെ.
വിജയന്‍ - അതെ.
ദാസന്‍ - എന്നിട്ടൊരു കപ്പലില്‍ കയറാം.
വിജയന്‍ - അതെന്തിനാ?
ദാസന്‍ - എന്നാലല്ലേ ഏതെങ്കിലും നാടരിയാത്ത കരക്ക്‌ അവര്‍ക്ക് നമ്മളെ ഇറക്കുവനും നാട്ടു കാര്‍ക്ക് നമ്മുടെ മേലെ കൈവേക്കുവാനും പറ്റൂ.
വിജയന്‍ - ഊതിയതനല്ലേ ?
ദാസന്‍ - കാറ്റടിച്ചപ്പോള്‍ മനസിലായില്ലാ ?
വിജയന്‍ - എടാ നീ യൊന്നും ഒരു കാലത്തും നന്നാവില്ല.
ദാസന്‍ - എടാ നീവെറും pre -ഡിഗ്രി ഫൈല്‍ ആണ്, ഞാന്‍ bcom ഫസ്റ്റ് ക്ലാസും.  കേസന്യേഷന്മൊന്നും നിനക്ക് പറഞ്ഞതല്ല.  നീ പോയി കറിക്ക് അരിയേട.
വിജയന്‍ - എടാ CID കള്‍ ഒന്നേ ഉള്ളൂ. pre -ഡിഗ്രി CID   , bcom  CID  എന്ന് വേറെ വേറെ ഒന്നും ഇല്ല. അബദ്ധതില്ലാനെങ്കിലും ഇങ്ങനെ വേഷം മാറി ചെന്ന താണ്‌ നമ്മുടെ ഭാഗ്യത്തിന്റെ തുടക്കം.  എടാ വന്ന വഴി മറക്കരുത്.                                                     
                                                                                                                                                                            
വിനോദ്  
Friday, November 11, 2011 0

കുഞ്ഞേട്ടന്‍

Friday, November 11, 2011 0

തെറ്റ്

തെറ്റ് ;
ഞാനെന്ടെ  ഇഷ്ടം -
ആരോടെങ്ങിലും പറഞ്ഞാലല്ലേ ?
ആരെയെങ്ങിലും ഇഷ്ട്ടപെടുന്നത്  ഒരു തെറ്റാണോ ?

നീ പണക്കാരിയായിരിക്കാം
പക്ഷെ -
നീ ഇത്ര മാത്രം പറയൂ
ഞാനൊരു പാമാരനായത് 
ഒരു തെറ്റാണോ ?
ആരെയെങ്ങിലും ഇഷ്ട്ടപെടുന്നത്  ഒരു തെറ്റാണോ ?


ഓരോ നിമിഷവും
നിന്നെ  ഞാന്‍ ഓര്‍മ്മിക്കുന്നു;
ഓരോ നിമിഷവും
നിന്നെ  ഞാന്‍ സ്നേഹിക്കുന്നു;
നിന്നെ മറന്നു ഒരു നിമിഷം പോലും;
ഞാനിരുന്നിട്ടില്ല ;
ആരെയെങ്ങിലും ഇഷ്ട്ടപെടുന്നത്  ഒരു തെറ്റാണോ ?

വിനോദ്  ചിറയിൽ 

Thursday, November 10, 2011

Thursday, November 10, 2011 3

ഇനി വിട പറയട്ടെ ഞാന്‍

മരിച്ചതിലെനിക്ക് ദുഖമില്ല 
ദുഃഖം, നീയില്ലാതത്തിലാണ് 
നിന്‍ പ്രെരണയാലിറങ്ങി  ഞാന്‍ 
വെറുമൊരു വിഡ്ഢിയായ്‌ തീര്‍ന്നിടാന്‍ ...

എന്റെ ആത്മാവിനു ശാന്തി കിട്ടാന്‍ 
എന്റെ ശവത്തിനൊരു കോടി തരൂ 
കണ്ണില്‍ നിറയെ കണ്ണീരുമായി
ഇത്തിരി ഒന്ന് മുഖം കാണിക്കൂ
നിന്റെ ലോകത്തോട്‌ വിട പറയട്ടെ ഞാന്‍ 



നിന്റെ വഴി താണ്ടി എന്റെ ജീവിതം തീര്‍ന്നു 
എന്റെ സ്നേഹത്തിനു കണ്ണുന്ടായിരുന്നില്ല  
ഇതു ലോകം  അറിയല്ലേ 
എന്നെ ആരുമറിയാതെ അടക്കുക 

നീ പണത്തിനു സ്നേഹം വിറ്റു
ഒരു പാവപ്പെട്ടവന്റെ  സ്നേഹം തട്ടി മാറ്റി 
നിന്റെ കണ്ണുകള്‍ സ്നേഹത്തിനു വേണ്ടി തുടിച്ചിരുന്നു 
ഇനി പണത്തിന്റെ   കൂട്ട് വിടൂ 
ഞാനും നിന്നെ സ്നേഹിച്ചതല്ലേ 
നിന്റെ സ്നേഹത്തില്‍ അലിയട്ടെ ഞാന്‍
നിന്റെ ലോകത്തോട്‌ വിട പറയട്ടെ ഞാന്‍

വിനോദ്  ചിറയിൽ 

Saturday, October 22, 2011

Saturday, October 22, 2011 1

കടുവാ പുരാണം


കൂട്ടിലിരിക്കും കുഞി തത്തേ
കേള്‍ക്കൂ നാട്ടിന്‍ കഥന കഥ
കാട്ടിലിരിക്കും കടുവയോരെണ്ണം
കാടത് വിട്ടു നാട്ടിലിറങ്ങി 
കാസര്‍ഗോട്ടെ കാതറിനെയും
കോഴിക്കോട്ടെ കോഴികളെയും
കണ്ടവരവരെ കടുവചാര്
കറുമുറെ തിന്നു ചെറു കലിയാലെ


കടുവാ കഥകള്‍ കേട്ടവരില്‍ ചിലര്‍
കണ്ണും പൂട്ടി കിണറില്‍ ചാടി
കണ്ണില്ലാത്തവര്‍ കൈകള്‍ കൂപ്പി 
കാതില്ലാത്തവര്‍  അലറിവിളിച്ചു 
കാലില്ലാത്തവര്‍ വീടിലോളിച്ചു
കാതു മുഴങ്ങെ അലറിവിളിച്ചു
കടുവ വരുന്നേ അയ്യോ രാമ
ഒടിയോളിച്ചോ ജീവന്‍ വേണേല്‍


കടുവയിറങ്ങിയ കാര്യം പറയാന്‍
കര്യസ്ഥന്മാര്‍ കശപിശ കൂടി
കടുവ പൂച്ച രണ്ടായാലും
കാലാല്‍ ചുറ്റി കടലിലെറിയും
കടുവകലോത്തിരി കണ്ടവര്‍ ഞങ്ങള്‍
കടുവ പിടിക്കും കിടുവകള്‍  ഞങ്ങള്‍
കിണരിലോളിച്ചവര്‍ കരയില്‍ കയറൂ
കടുവാ പിടിക്കാന്‍ കയറു വരട്ടെ


കടുവാ കഥകളില്‍ ചില കഥ നമ്മുടെ
കടുവാച്ചരുടെ കാതിലുമെത്തി
കാടെ ശരണം നാട്ടില്‍ കലഹം
കടുവാച്ചാരുടെന്‍ കാടിലോളിച്ചു

വിനോദ്