Monday, June 10, 2013

നിഴൽ പക്ഷികൾ (1)

ടെക്നോപാർക്കിനു മുന്നിൽ കാറു നിർത്തി  അഖില പുറത്തേക്കിറങ്ങി.       സെർട്ടിഫിക്കട്ടുകൾ  അടങ്ങിയ ഫയൽ അവൾ കൈയ്യിലെടുത്തു.  പുറത്തു നല്ല തണുത്ത  കാറ്റു വീശുന്നുണ്ടായിരുന്നു. ഇളം കാറ്റിൽ അവളുടെ മുടിയിഴകൾ പാറിപറക്കുന്നുണ്ടായിരുന്നു. മുടിയിഴകൾ  മാടിയൊതുക്കി അവൾ ഓഫീസിനുള്ളിലേക്ക്കയറി. അടുത്ത് കണ്ട സെക്ക്യൂരിട്ടിയോട് ഗെയിം വേൾഡ്  എന്ന കമ്പനിഎവിടെയാനെന്നവൾ അന്വേഷിച്ചു.


അഖില സോഫ്റ്റ്‌വെയർ എന്ജിനീർ ആണ്. കാണാൻ സുന്ദരി. വിവാഹം കഴിഞ്ഞിട്ട് 4 വര്ഷമായി. കല്യാണം കഴിഞ്ഞതാണെന്നു ആരും ഒറ്റ നോട്ടത്തിൽ പറയില്ല .  ഭര്ത്താവ് ഗൾഫിൽ. വെറുതെ വീട്ടില് ഇരുന്നു ബോറടിച്ചപ്പോൾ ആണ് പത്രത്തില ഈ പരസ്യംകണ്ടത്. കേരളത്തിലെ  അറിയപ്പെടുന്ന ഒരു IT കമ്പനിയാണ് ഗെയിം വേൾഡ്. അത് കൊണ്ടാണ് ഇവിടത്തേക്ക് അപ്ളിക്കേഷൻ അയച്ചതും അവർ ഇന്റർ വ്യൂ നുവിളിച്ചതും.

കുറച്ചധികം പേര് എത്തിയിട്ടുണ്ട്. അഖില റിസെപ്ഷനിൽ പോയി വിവരങ്ങൾ അന്വേഷിച്ചു.
9.30 ആയിട്ടെ ഉള്ളൂ 10 മണിക്ക് വരനാ അറിയിച്ചിരുന്നത്.  അവൾ ഓഫീസ്  ആകമാനമോന്നു ശ്രദ്ധിച്ചു . നല്ല മോഡേണ്‍ ലുക്കാണ്. ഒത്തിരി ആൾക്കാർ ജോലിചെയ്യുന്നുണ്ട്.

"അഖില ..."

പേര് വിളിച്ചതും അഖില എഴുന്നേറ്റു.ഡയറക്ടർ എന്ന ബോർഡിനു മുന്നിൽചെന്ന് വാതിലിൽ മുട്ടി. 

"മേ  ഐ കമിൻ സർ"

"യെസ് " 

 എന്ന് അകത്തു നിന്ന് പറഞ്ഞതും അവൾ ഡോർ തുറന്നു അകത്തേക്ക് കയറി.
അകത്തിരുന്ന ഓഫീസറെ കണ്ടപ്പോൾ അഖില ഞെട്ടി തരിച്ചുപ്പോയി.
മനസ്സിന്റെ ഉളളിൽ ഏതോ അഗ്നി ഗോളം പൊട്ടി തെറിക്കുന്നതായവൽ മനസ്സിലാക്കി..

ഇരിക്കൂ..

അദ്ദേഹം പറഞ്ഞതവൾ കേട്ടീല്ല ...

അഖില ഇരിക്കൂ. 

അവൾ  ഇരുന്നു.  സർട്ടിഫികാറ്റുകൾ അടങ്ങിയ ഫയൽ അവൾകൊടുത്തു..
ഐ ആം വിഷ്ണു. തനിക്കെന്നെ പ്രത്യകം പരിചയപ്പെടുത്തേണ്ട ആവിശ്യം ഇല്ലല്ലോ....അത് കേട്ടതും അഖില മരവിച്ചു പോയി.
ഓക്കേ... അതൊക്കെ പോട്ടെ തൻറെ ക്വാളിഫികേഷൻ കണ്ടിട്ടാ ഇവിടെ  സെലക്ട്‌ ചെയ്തിരിക്കുന്നത്... യു ആർ സെലക്റ്റട്.
വിശ്വസിക്കനാവാത്തതുപോലെ  അവൾ അവനെ തന്നെ നോക്കി. 

നാളെ മുതൽ തന്നെ അഖിലയ്ക്ക് ഇവിടെ ജോയിൻ ചെയ്യാം .അസ്സിസ്റ്റന്റ് മാനേജർആയിട്ട്. ഞാൻ പറഞ്ഞ സാലറി പാക്കേജ് ഇഷ്ട്ടമായെങ്കിൽ  മാത്രം.

അവൾ അപ്പോഴും ഒരു യന്ത്രപ്പാവ പോലെ ഇരിക്കുകയായിരുന്നു..

ബി സ്മാർട്ട്‌ മിസ്സ്‌ അഖില.

പെട്ടന്ന് തന്നെ അഖില ഉഷാറായി..

യെസ് സർ നാളെ മുതൽ തന്നെ ഞാൻ ജോലിയിൽ കയറാം.

വിഷ്ണു ഷേക്ക്‌ ഹാന്ടിനായ്  കൈ നീട്ടി..

അയാളുടെ കൈയ്യിൽ സ്പർശിച്ചപ്പോൾ ഓർമ്മയുടെ ഒരായിരം വസന്തകാലംമാടിവിളിക്കുന്നതായി അവൾക്കു തോന്നി...

കാറിൽ കയറിയപ്പോൾ അവൾ ആലോചിച്ചു - വരേണ്ടായിരുന്നു...
വിഷ്ണു ഇവിടെ ഉണ്ടെന്നു അറിഞ്ഞിരുന്നു വെങ്കിൽ താൻ ഒരിക്കലും വരില്ലായിരുന്നു..

പക്ഷെ ഇപ്പോൾ ..നല്ല കമ്പനി നല്ല ശമ്പളം ഈ ജോലി വിടുന്നതു വിഡ്ഢി ത്തമായിരിക്കും.. അവൾ മനസ്സില് ഉറപ്പിച്ചു നാളെ തന്നെ ജോയിൻ ചെയ്യാംബാക്കി എല്ലാം പിന്നെ..

പക്ഷെ തന്നെ കണ്ടിട്ട് വിഷ്ണു ഒന്നും ചോദിച്ചില്ലല്ലോ.. പഴയ ദേഷ്യം  ഉണ്ടായിരുന്നുവെങ്കിൽ ഈ ജോലി തനിക്കു കിട്ടില്ലായിരുന്നു.

അപ്പോൾ പിന്നെ..

സംശയത്തിന്റെ നൂലാമാലകൾ അവളുടെ മനസ്സിൽ മുറുകി കൊണ്ടിരുന്നു..
മനസ്സിന്റെ ഉളളിൽ എന്തോ ഒരു നീറ്റൽ..
പെട്ടന്നാണ് മൊബൈൽ ബെല്ലടിച്ചത്..
അരുണ്‍ ‍ ചേട്ടൻ.. ഹലോ ഭാര്യെ ജോലിക്കാര്യം എന്തായീ

എല്ലാകാര്യങ്ങളും അവൾ തൻറെ ഹസ്ബന്റിനെ അറിയിച്ചു...

രാത്രി ഏറെ ആയെങ്കിലും  അഖിലയ്ക്ക് ഉറക്കം വന്നില്ല ..

അവളുടെ മനസ്സ് 12 വർഷം പിറകിലോട്ടു സഞ്ചരിക്കുകയായിരുന്നു...
മുത്തശ്ശന്റെയും മുത്തശ്ശിയുടെയും അഖില ക്കുട്ടിയായി അവൾ പാറിനടക്കുന്ന കാഴ്ചമനസ്സിലേക്ക് ഒരു മഞ്ഞു കാലം പോലെ പെയ്തിറങ്ങുകയായിരുന്നു...
(തുടരും)
അശ്വതി മോഹൻ, തോന്നയ്ക്കൽ

രണ്ടാം ഭാഗം 

3 comments:

  1. good story...best wishes.soumya.vinod

    ReplyDelete
  2. ഒരു പൈങ്കിളിക്കഥ
    തുടരൂ, ആശംസകള്‍

    ReplyDelete
  3. ങാ... കഥകളും വേണമല്ലോ ബ്ലോഗിൽ..
    ഇത്തരം കഥകൾക്ക് ഒരദ്ധ്യായത്തിൽ ഈ വലിപ്പം പോരാന്നാണ് എനിക്ക് തോന്നുന്നത്.

    ReplyDelete

നിങ്ങളുടെ അഭിപ്രായങ്ങൾക്ക് നന്ദി.