Friday, December 26, 2014

മാവേലി തേടുന്നു


വയലേലകളും പാടവരന്പും തേടും മാവേലി കണ്ടു 
വലിയ തോതിൽ വാർത്തൊരു പാലത്തെ 

ക്ഷേത്രവും ക്ഷേത്രക്കുളവും തേടും മാവേലി കണ്ടു 
ക്ഷതമായ ക്ഷേത്രവും ഇല മൂടിയ ക്ഷേത്രക്കുളവും 

ഗ്രാമവും ഗ്രാമീണരേയും തേടും മാവേലി കണ്ടു 
ഗ്രാമമല്ലാത്ത ഗ്രാമത്തേയും ഗ്രാമീണരല്ലാത്ത ഗ്രാമീണരേയും 

പൂക്കളം തേടും മാവേലി കണ്ടു 
പൂക്കള മത്സരത്തിന്നോടും ജനങ്ങളെ

പുതുവഴികൾ കണ്ടു നടന്ന മാവേലി കണ്ടു 
പുതുമകൾ തേടി ഓടും ജനങ്ങളെ 

നാലുകെട്ടും നടുമുറ്റവും തേടും മാവേലി കണ്ടു 
നാലു നിലയിൽ വാർത്തൊരു സൌധത്തെ 

ഓർമ്മകൾ പുതുക്കുന്നൊരീ ഓണത്തേയും 
ഓർമ്മകൾ മാത്രമായിത്തീർന്ന ഓണത്തേയും

മറക്കുകില്ല ഞാൻ മറക്കുകില്ല 

മാവേലി എന്നോ മറഞ്ഞു 
മാവേലി വാണ നാടും മറഞ്ഞു 

ഓർമകൾ മാത്രം ബാക്കിയായി 



പുഷ്കല ചെല്ലം ഐയ്യർ 

                                                   Email : pushkalachellamiyer@gmail.com

1 comment:

നിങ്ങളുടെ അഭിപ്രായങ്ങൾക്ക് നന്ദി.