എത്ര സുന്ദരം

എത്ര സുന്ദരമെൻ മുറ്റം !

എത്ര സുന്ദരമെൻ വീട്

നിറയെ വിരിഞ്ഞൊരാ ചെമ്പരത്തി

നറുമണം പരത്തിയാ മുല്ലയും

ബഹുവർണ്ണങ്ങളിൽ ചെണ്ടുമല്ലികയും

മന്ദസ്മിതയായി ശംഘുപുഷ്പവും
വിടർന്ന് തുടുത്ത് പനിനീർപ്പൂവും
തൊട്ടു തലോടി കടലാസ്സു പൂവും 

കൂകുന്നു കുയിലൊരു കോണിൽനിന്നും

കരയുന്നു കാക്ക തെങ്ങിൻമുകളിൽ നിന്നും

ഇവിടെഞാനുണ്ടെന്നോതി തള്ള കോഴിയും

കൂടെ തൻ എണ്ണമില്ലാ കുഞ്ഞിൻപടകളും

അടുക്കളരാജാവ് അമ്മിണിപ്പൂച്ചയും

വീടിന്റെ കാവലെൻ കരിമ്പൻ 'ടൈഗറും'

എത്ര സുന്ദരമെൻ വീട്

എത്ര സുന്ദരമെൻ മുറ്റം

വിനോദ്