പേന

ഒരു കണ്ണീർക്കണം പോലും പൊഴിഞ്ഞില്ലയെങ്കിൽ -

ഒരു തുള്ളി ചോരയെങ്കിലും പൊടിഞ്ഞില്ലയെങ്കിൽ -

ഒരു മനസ്സെങ്കിലും മാറ്റുവാനായില്ലെന്നാൽ -

ഒരു ഹൃദയപുഷ്പം പോലും വിടർത്തുവാനായിലലെന്നാൽ - 

എനിക്കെന്തിനീ ആറാം വിരൽ , എന്തിനീ കടലാസ്സുകൾ ?

എനിക്കെന്തിനീ ചിന്തകൾ , എന്തിനീ സ്വപ്‌നങ്ങൾ ?

ഓർമ്മകൾ പോലും എന്നിൽ ശാപമായ് തീരുന്നൊരീ -

അഭിശപ്തനിമിഷത്തിലൊന്നിലലിഞ്ഞില്ലാതാകുമെങ്കിൽ -

കൈവല്യമേകുവാൻ തലയിൽ കൈവെച്ചേനേ -

രാത്രിമഴയായ് പ്രകൃതി - എന്നീശ്വരി .

ഒരു പൂമൊട്ടിന്റെ നൈർമ്മല്യമാകണോ , അല്ല -

ഒരു പടവാൾത്തുമ്പിൻ മൂർച്ചയിൽ തിളങ്ങണോ ?

പറയുക നിങ്ങളാം അനുവാചകർ , എങ്കിലോ -

എന്റെയീവിരൽ വീണ്ടും ചലിച്ചു തുടങ്ങീടലാം .

വിശുദ്ധമാം പൂവിന്റെ കാണാക്കയങ്ങളിൽ 

നിപതിക്കുമോരോ മഴത്തുള്ളിയാവാനല്ല -

എന്റെയീ ജന്മം കൊതിക്കുന്നുവെങ്കിലും ,

തൂലികയൊരുമൂർച്ചയുള്ളോരായുധമാക്കുവാൻ 

കഴിയുമോ എന്നിലെ നേർമ്മയാം മനസ്സിന് 

അടുത്തൊരു ജന്മമുണ്ടെങ്കിലതിലെങ്കിലും ?

ശ്രീകാന്ത് മണ്ണൂർ    

blog - www.sreemannur.blogspot.in

twitter - @smpcadd