Saturday, May 18, 2013

Saturday, May 18, 2013 5

പ്രണയത്തിന്‍ മഴച്ചിന്തുകള്‍

കലാലയത്തിൻ വീഥികൾ കരയുന്നുവോ ?

ആ മഴ രാവ്‌ മറക്കുവാനാകാതെ  ...

പിണക്കത്തിലാണോ കാർമേഘ മുത്തുകൾ...
തിടുക്കത്തിലെത്താനാ മഴത്തുള്ളികൾ...


ആദ്യമായ് കണ്ടൊരു നേരത്തു മാത്രമായ്..
ഒരു കുളിർ തെന്നലും ചെറു മാരിവില്ലും ...


മിഴികൾ പറയുന്നുവോ....കാത്തിരുന്ന സുന്ദരീ ...
ഇതുമാത്രമാ  നിൻ മഴക്കൂട്ടുകാരി ...

മഴപ്പാട്ടുമായെൻ ജീവിത ചിന്തകൾ
ഇടനാഴികളിൽ ഒരു മുത്തം ഓർമ്മയിൽ മാത്രം ...


പിണക്കങ്ങൾ ഒരു മഴ തുള്ളികൾ മാത്രമായ്‌
പ്രണയമൊരാഴ കടലുപോൽ വിളിക്കുന്നു ...


ജീവിത സ്വപ്‌നങ്ങൾ അവൾക്കായ് മാത്രമോ ?
എൻ പ്രണയ മഴയായ് പെയ്തൊഴിയാനായ്..


മയിലഴകിൻ ചിരിവിതറി മഴമുത്തുകൾ ...
നിൻ തളിർ ചുണ്ടുകളിൽ ചിരിമുത്തായ് പടരുമ്പോൾ..


ഒരു നിഴൽ പക്ഷിപോൽ മാറോടണച്ചു നിൻ 
പ്രണയമാം ശലഭമായ് പാറിപ്പറക്കവേ ...


കുളിരുള്ള മഴയത്ത് നിലാവൊന്നു മറഞ്ഞപ്പോൾ 
മനസ്സുകൾ വിതുമ്പിയോ?ഒരു ചുടു നിശ്വാസത്തിനായ്...
മഴച്ചിത്രങ്ങൾ പതിയുന്ന ആകാശ പൊയ്കയിൽ 
വിരുന്നെത്തി ഇന്നു നീ ...എൻ പ്രണയാർദ്ര ദേവതേ........

അജിത്‌ പി നായർ
Read more
5 comments:
Labels:

Wednesday, May 15, 2013

Wednesday, May 15, 2013 4

രാജ്യം കാത്തിരിക്കുന്നതാരെ ...?


രാജ്യം കാത്തിരിക്കുന്നതാരെ ...? ലോക്‌സഭ ഇലക്ഷന്‍ കൌണ്ട് ഡൌണ്:

ലോക്‌സഭാ തിരഞ്ഞെടുപ്പ് അടുക്കും തോറും രാഷ്ട്രീയ പാര്‍ട്ടികള്‍ക്കെല്ലാം ചങ്കിടിപ്പ് ക്കൂടി ക്കൂടി വരുകയാണ്. ഇനി മാസങ്ങള്‍ മാത്രം ശേഷിക്കുന്ന തിരഞ്ഞെടുപ്പിനു മുന്നോടിയായി അണിയറയില്‍ പാര്‍ട്ടിക്കാര്‍ തന്ത്രങ്ങള്‍ മെനഞ്ഞു തുടങ്ങി. കോണ്‍ഗ്രസ്സും ബിജെപിയും മൂന്നാം മുന്നണിയും ബലാബലം മത്സരിക്കുന്ന ഒരു തിരഞ്ഞെടുപ്പാകും നടക്കാന്‍ പോകുന്നതെന്ന കാര്യത്തില സംശയമില്ല.


കോണ്‍ഗ്രസ്സിനും ബിജെപ്പിക്കും ഭരിക്കാന്‍ സഖ്യ കക്ഷികളുടെ സഹായം മുമ്പത്തെക്കാളേറെ വേണ്ടി വരുന്നൊരു സമയമായിരിക്കും ഇത്തവണ. രാജ്യം കോണ്‍ഗ്രസ് വിരുദ്ധ തരംഗത്തില്‍ മുങ്ങി ക്കുളിച്ചു നില്‍ക്കുമ്പോഴും പ്രതീക്ഷയില്‍ തന്നെയാണു കോണ്‍ഗ്രസ് നേതൃത്വം. സഖ്യകക്ഷികള്‍ പടിയിറങ്ങി പോകുമ്പോഴും ഗവണ്‍മെന്റ് വീഴാതെ നില്ക്കുന്നത് ഉടനൊരു തിരഞ്ഞെടുപ്പ് ഒരു പാര്‍ട്ടിക്കാരും ആഗ്രഹിക്കുന്നില്ല എന്നതിനു തെളിവാണ്.

രാഹുല്‍ ഗാന്ധിയെ മുന്നില് നിര്‍ത്തിയുള്ള ഒരു പടപ്പുറപ്പാടായിരിക്കും കോണ്‍ഗ്രസ് പരീക്ഷിക്കാന്‍ പോകുന്നത്. താന്‍ പ്രധാന മന്ത്രി പദത്തിലെക്കില്ല എന്ന് പറയുന്നുവെങ്കിലും അണിയറയില്‍ രാഹുലിനെ വാഴിക്കാന്‍ കോണ്‍ഗ്രസ് ഒരുങ്ങുന്നതായാണ് റിപ്പോട്ട് , മറിച്ച്  ബിജെപ്പിക്കും കാര്യങ്ങള്‍ അത്ര എളുപ്പമല്ല. പ്രധാന മന്ത്രി സ്ഥാനാര്‍ഥിയായി നരേന്ദ്ര മോഡിയെ ഉയര്‍ത്തി ക്കാണിക്കാന്‍ തയ്യാറെടുക്കുന്ന ബിജെപ്പിക്ക്‌സ്വന്തം പാളയത്തില്‍ നിന്നു തന്നെ എതിര്‍പ്പുകള്‍ നേരിടേണ്ടി വരുന്നു. പ്രധാന മന്ത്രി കസേരയ്ക്കു താനും ഒരുക്കമാണെന്ന് ഒളിഞ്ഞും മറഞ്ഞും സംസാരിക്കുന്ന മുതിര്‍ന്ന ബിജെപി നേതാവ് എല്‍ കെ അദ്വാനിയും മോഡിയെ ഉയര്‍ത്തിയാല്‍ മുന്നണി വിടുമെന്ന സൂചനയുമായി ജെഡി യു വും ബിജെപ്പിക്ക് വരും ദിവസങ്ങളിലും തലവേദന ആകും എന്നതില്‍ തര്‍ക്കമില്ല.

പക്ഷെ ഗുജറാത്ത് വികസനം ചൂണ്ടിക്കാട്ടി ഇന്ത്യയെ മൊത്തം വരുതിയിലാക്കമെന്ന ബിജെപി സ്വപനം കണ്ടുതന്നെ അറിയണം. മാധ്യമങ്ങള്‍ ആഘോഷിക്കുന്ന മോഡി തരംഗം എത്ര കണ്ടു ഫലവത്താകുമെന്ന് ഇപ്പോള്‍ പറയാന്‍ ബിജെപ്പിക്ക് പോലും കഴിയില്ല. അതുകൊണ്ടാണല്ലോ പഴയ രാമക്ഷേത്ര അജണ്ട വീണ്ടും പൊടി തട്ടി എടുത്തത്.

എന്നാല്‍ മോഡിയോട് ഏറ്റുമുട്ടാന്‍ കോണ്‍ഗ്രസ്സിനു ശരിക്ക് വിയര്‍പ്പോഴുക്കെണ്ടിവരും.ഗോത്രാ കലാപത്തിന്റെ പാടുകള്‍ വികസന മേന്മയില്‍ കഴുകിക്കളഞ്ഞ ആളാണ് മോഡി.യുവജങ്ങള്‍ക്കിടയില്‍ വളരെയധികം സ്വാധീനം ചെലുത്താന്‍ മോഡിയുടെ പ്രവര്‍ത്തികള്‍ക്കും പ്രസംഗങ്ങള്‍ക്കും കഴിഞ്ഞിട്ടുണ്ട്.ഇന്ത്യയില്‍ ഏറ്റവും കൂടുതല്‍ വോട്ടര്‍മാര്‍ യുവജനങ്ങള്‍ ആണെന്നുള്ളത് മോഡിയുടെ സാധ്യത വര്‍ദ്ധിപ്പിക്കുന്നു.ഏതായാലും മുന്നില് നിന്നു നയിക്കാന്‍ മോഡി യുണ്ടാകും എന്നത് ഉറപ്പാണ് .അതിനാണല്ലോ അദേഹത്തെ ബിജെപി പര്‍ലമെന്റ്ററി ബോര്‍ഡിലേക്ക് തിരഞ്ഞെടുത്തത്.

എന്നാല്‍ ന്യുന പക്ഷ വോട്ടുപിടിക്കാന്‍ എന്തു തന്ത്രമാണ് ബിജെപി പയറ്റാന്‍ പോകുന്നു എന്നുള്ളത് കാത്തിരുന്നു കാണേണ്ടിവരും.എങ്കിലും കോണ്‍ഗ്രസ്സിന്റെ അഴിമതി ഭരണത്തിന് കിട്ടുന്ന ചാട്ടവാറടി ബിജെപിക്ക് വോട്ടുകളായി മാറുമെന്ന കാര്യത്തില സംശയം വേണ്ട. എന്നാല്‍ മോഡി എന്നാ ബ്രാന്‍ഡ് നെയിം ബിജെപ്പിക്ക് ഗുണ മുണ്ടാകാനാണ് കൂടുതല്‍ സാധ്യത.

എന്നാല്‍ ഇത്തവണ കോണ്‍ഗ്രസ്സിനും ബിജെപിക്കും വെല്ലുവിളി ഉയര്‍ത്തി മൂന്നാം മുന്നണി ശക്തി പ്രാപിക്കാന്‍ സാധ്യതയുണ്ട്.ഉത്തര്‍പ്രദേശില്‍ മുലായം സിംഗ് യാദവ് കാത്തിരിക്കുന്നതും അതാണ്.എന്നാല്‍ കാത്തിരിപ്പ് ഇനിയും നീളാനാനു സാധ്യത.നീര്‍ക്കോലി കടിച്ചാലും അത്താഴം മുടങ്ങുമെന്ന് പറയും പോലെ ചെറു പാര്‍ട്ടികള്‍ വിചാരിച്ചാലും ഭരണം മാറ്റിമറിക്കാന്‍ സാധിക്കും. ഒറീസ്സയിലെ നവീന്‍ പട്‌നായക്കും,തമിഴ്‌നാടില്‍ ജയലളിതയും ബംഗാളില്‍ മമതയും ,കമ്മ്യൂണിസ്റ്റ് പാര്‍ട്ടികളും തക്കം പാര്ത്തിരിക്കുന്നതും അതിനാണ്.മൂന്നാം മുന്നണി എന്നാശയം അവരും സ്വപ്നം കാണുന്നു.ഏതായാലും 272 എന്നാ മാന്ത്രിക സംഖ്യ ഒരു പാര്‍ട്ടിക്കും കിട്ടില്ല എന്നാ കാര്യം ഉറപ്പാണ്.

ബിജെപിക്ക് 180 കോണ്‍ഗ്രസ്സിനു 140 എന്നിങ്ങനെയാണ് ഈ പാര്‍ട്ടികള്‍ക്ക് ലഭിക്കാന്‍ പോകുന്ന സീറ്റെന്നാണ് പലസര്‍വേ കളും പറയുന്നത്.അങ്ങനെ വരുമ്പോള്‍ പ്രാദേശിക കക്ഷികള്‍ തീരുമാനിക്കും ആരെ ഭരിക്കാന്‍ വിടണമെന്ന്.

മുങ്ങുന്ന കപ്പലായ കോണ്‍ഗ്രസ്സിനൊപ്പം കൂട്ടുനില്ക്കാന്‍ സഖ്യകക്ഷികള്‍ക്ക് താത്പര്യം ഉണ്ടാകില്ല.

അവസരം വേണ്ട വിധത്തില്‍ ഉപയോഗിച്ചാല്‍ ബിജെപ്പിക്ക് മുന്നേറ്റമുണ്ടാക്കാന്‍ സാധിക്കും.

ബിജെപി ചക്രവര്‍ത്തി മോഡിയോ ,കോണ്‍ഗ്രസ് യുവരാജാവ് രാഹുലോ അതോ മൂന്നാം മുന്നണി പോരാളി മറ്റാരെങ്ങിലുമോ രാജ്യം അവര്‍ക്കായി കാത്തിരിക്കുകയാണ്…

അജിത്‌ പി. നായര്‍

Read more
4 comments:
Labels:
Wednesday, May 15, 2013 4

വന്നൊരാള്‍ മഴയായ് ....


വേഴാമ്പലും പോയ്‌ ...നീലാമ്പലും പോയ്‌...... ...  
ഒരു കുഞ്ഞു തുള്ളി മഴ കാണാതെ നീയും..
നീല നിഴൽ വർണ്ണങ്ങൾ മോഹിച്ചതാരെ?
നിൻ പ്രണയ മോഹമായ് വീക്ഷിച്ചതാരെ?

കാലിൽ കൊലുസുമായ് താഴ്വര ചോട്ടിൽ നീ...
ദൂരെ നിന്നാരെയോ തേടി തിരഞ്ഞുവോ....
സൂര്യൻ പറഞ്ഞുവോ ആരും വരില്ലെന്ന്...
ആ വാക്കു കേൾക്കാതെ മെല്ലെ നടന്നവൾ...
വാടിയ പൂവുപോൽ...തൂവൽ കൊഴിഞ്ഞപോൾ
കണ്ണുനീർ മുത്തുകൾ മാത്രാമായ് ഗദ്ഗദം ..
അതുകണ്ട സൂര്യൻ കാർമേഘ മുത്തിനു
ഒരു ചുടു ചുംബനം മാത്രമായ്‌ നൽകി ....
ആകാശ പൂമരം പൂത്തു തളിർത്തു പോയ്‌
ഭൂമിയിലായിരം തെളിവാർന്ന തുള്ളിയായ്...
മിന്നലിൻ താളങ്ങൾ കണ്ടു രസിച്ചവൾ...
പൂമഴതുള്ളികൾ മാറോടണച്ചവൾ....
ശാലീനമായവൾ തേടിതിരഞ്ഞോരാൾ....
വന്നുപോയ്‌ ഇനിയെന്നും പാടിപറക്കുവാൻ..
കാത്തിരിപ്പിൻ മഴ പ്രണയമായ് പൂത്തുവോ...?
മനസ്സിൻ മടിയിലെ താമര പൊയ്കയിൽ...!

അജിത്‌ പി നായർ

Read more
4 comments:
Labels:

Tuesday, May 14, 2013

Tuesday, May 14, 2013 4

അക്ഷരക്കൊട്ടാരം ...!

ഓര്‍മ്മകള്‍ ...!

അവയ്ക്ക് അനന്തമായി ...
കാലത്തിന്റെ അതിരുകളില്ലാതെ 
പിന്‍നട  സാധ്യമായിരുന്നെങ്കില്‍ ...!

 ചിന്തകള്‍ക്ക് ...
കാണാക്കടലിന്റെ  അഗാധതയോളം 
ഊളിയിട്ടിറങ്ങിചെല്ലാന്‍ 
കെല്പുണ്ടായിരുന്നെങ്കില്‍ ...!

 ഭാവനകള്‍ക്ക് ...
ആകാശത്തിന്റെ നീലിമകളിലൂടെ 
ചിറകു വിരിച്ചുല്ലസിച്ച് 
പാറിപ്പറക്കാന്‍  കഴിഞ്ഞിരുന്നെങ്കില്‍ ...!

 ആശയങ്ങള്‍ക്ക് ...
തീഷ്ണമായ ജീവല്‍സമസ്യകള്‍ക്ക് 
സാന്ത്വനമേകാനുള്ള  
മറുമരുന്നാകാന്‍  കഴിഞ്ഞിരുന്നെങ്കില്‍ ...!

 വാക്കുകള്‍ക്ക് ...
കാരമുള്ളിന്റെ കൂര്‍മ്മതയും 
കാരിരുമ്പിന്റെ കാഠിന്യവും 
കിളിക്കൊഞ്ചലിന്റെ 
ലാളിത്യവുമുണ്ടായിരുന്നെങ്കില്‍ ...!

 ബുദ്ധിക്ക് ...
വെള്ളിടിയുടെ മൂര്‍ച്ചയും 
സൌരതേജസ്സിന്റെ പ്രഭയും 
ക്ഷീരപഥങ്ങള്‍ക്കപ്പുറത്തോളം 
വ്യാപ്തിയുമുണ്ടായിരുന്നെങ്കില്‍ ...!

 എങ്കില്‍ ...?
എങ്കില്‍ ... ഞാനും 
ആ മലര്‍പ്പൊടിക്കാരനെപ്പോലെ 
പ്രപഞ്ചത്തോളം വലിയൊരു 
അക്ഷരക്കൊട്ടാരമുണ്ടാക്കിയേനെ ...!

 മോഹനന്‍  വെളിച്ചംതോടന്‍ 
facebook : https://www.facebook.com/mohanan.velichamthodan

Read more
4 comments:
Labels:

Monday, May 13, 2013

Monday, May 13, 2013 8

തണല്‍ മരങ്ങള്‍

അലയുന്നു ഞാന്‍  വീണ്ടും ;
തണല്‍ മരങ്ങള്‍ തേടി ....
ഓര്‍മ്മയില്‍ എപ്പഴോ
പടര്‍ന്നു പന്തലിച്ച ചിന്തകള്‍
നട്ടതാര് ... അറിയില്ലെന്നോ ?
ചോദിച്ചില്ല -
ആരും പറഞ്ഞതുമില്ല .

വിശ്രമിക്കാനെത്തിയവരും തിരിച്ചറിയുന്നില്ല
അന്യേഷണങ്ങള്‍ തളര്‍ന്നപ്പോഴും
മനസ്സു മന്ത്രിച്ചു ;
ഉത്തരം തരൂ ഈ രാവുതീരും മുമ്പേ
ഭ്രാന്തന്‍ ചിന്തകള്‍ വലിച്ചെറിഞ്ഞപ്പോള്‍
തെറ്റുപറ്റിയില്ലേയെന്നാരോ പറഞ്ഞു .
തണല്‍ മരത്തിന്‍ കീഴെയുറങ്ങാന്‍
വീണ്ടും യാത്രകള്‍
വേണ്ട മടുക്കുന്നു അലച്ചില്‍ എന്നാത്മാവും
ഓര്‍മ്മകള്‍ തണല്‍ മരത്തിന്‍ കീഴെ കുഴിച്ചുമൂടിയപ്പോള്‍
ചെറുതെന്നല്‍ ഒന്നും മിണ്ടാതെ യാത്ര പറഞ്ഞു ....

അജിത്‌ പി. നായര്‍ 

 ബ്ലോഗ്‌ : http://www.mazhachinthukal.blogspot.com

Read more
8 comments:
Labels: