തിരുവനന്തപുരത്തെ  ലോകസഭ മത്സരം ഇത്തവണ  തീപാറും എന്നുള്ളത് സംശയം ഇല്ലാത്ത കാര്യമാണ്.

ബിജെപി  ഒഴിച്ചുള്ള പാർട്ടികൾ സ്ഥാനാർത്തി  നിര്ണ്ണയം  പൂര്തിയാക്കിയില്ല എങ്കിലും തിരഞ്ഞെടുപ്പിനെ നേരിടാൻ ഒരുക്കങ്ങൾ തുടങ്ങി പ്രവർത്തകർ സജീവമായി കഴിഞ്ഞു.
ബിജെപി ഇത്തവണയും അവരുടെ മുതിര്ന്ന നേതാവായ ഓ.രാജഗോപലിനെയാണ്  രംഗത്ത് ഇറക്കിയിരിക്കുന്നത്.കറപുരളാത്ത രാഷ്ട്രീയ പരിചയവും കേന്ദ്ര മന്ത്രി എന്ന  അനുഭവ പരിചയവും അദ്ദേഹത്തിന് മുതൽക്കൂട്ടാണ് .എല്ലാ ഇലക്ഷനിലും ബിജെപ്പിക്ക് വേണ്ടി കൂടുതൽ വോട്ടു നേടുന്നതും മറ്റാരുമല്ല .
ഇടതു വലതൻ  മാരുടെ വോട്ടുകച്ചവടത്തിൽ ബലിയാടായിപ്പോകുന്ന  രാജേട്ടനെ ഇത്തവണ അനന്തപുരിക്കാർ കൈവിടില്ല എന്നാണ് ബിജെപ്പിയുടെ പ്രതീക്ഷ.

കോണ്‍ഗ്രസ് സ്ഥാനാർത്തി യെ തീരുമാനിച്ചില്ല എങ്കിലും ശശിതരൂർ രണ്ടാം തവണയും മത്സരിക്കും എന്നാ കാര്യം ഏതാണ്ട് ഉറപ്പായി കഴിഞ്ഞു.അതിനുള്ള പ്രവര്ത്തനങ്ങളും തരൂര് തുടങ്ങി കഴിഞ്ഞു.
വിവാദങ്ങൾ വിടാതെ പിന്തുടരുന്ന നേതാവായ അദ്ധേഹത്തെ ജനങ്ങള് എങ്ങനെ സ്വീകരിക്കുമെന്ന് കണ്ടുതന്നെ  അറിയണം.
ഏതായാലും മണ്ഡലത്തിൽ അദ്ദേഹം സജീവ
പ്രവർത്തനങ്ങൾ തുടങ്ങി കഴിഞ്ഞു .
സിപിഎം  ഇതുവരെ ആരെന്നു വ്യക്തമാക്കിയിട്ടില്ല.
പൊതു സമ്മതനായ  ഒരു സ്വതന്ത്രനെ നിര്ത്തണം എന്നാ ആവശ്യം  പാര്ട്ടികകത്ത്‌  ശക്തമാണ്.
കൂടാതെ ആം ആദ്മിയുടെ കടന്നു വരവും ചെറിയ തോതിൽ മണ്ഡലത്തെ സ്വാദീനിക്കും.
ജയ പരാജയങ്ങൾ മുന്കൂട്ടി പ്രവചിക്കാൻ ഇത്തവണ സാധ്യമല്ല.
എല്ലാ പാര്ട്ടികളും ആത്മ വിശ്വാസത്തിലാണ്.
കാത്തിരിക്കാം ദേശീയ തലത്തിൽ പോലും ശ്രദ്ധ പിടിച്ചുപറ്റുന്ന ഈ ത്രികോണ മത്സരത്തിനായി...

അജിത്‌ പി നായർ

അവര്‍ വരുമ്പോള്‍ ചരിത്രം വഴിമാറും എന്നേതോ പരസ്യത്തില്‍ പറയും പോലെയാണ് ഇന്നലെ ഇറങ്ങിയ സാംസങ്ങ് S 5 ന്റെ കാര്യം.ഇന്ന് മൊബൈല്‍ ഫോണ്‍ വിപണി സ്വകാര്യതകളുടെ കടയ്ക്കല്‍ കത്തി വച്ചുകൊണ്ട് ടെക്‌നോളോജികളില്‍ നീരാടാനായി ഓരോ കമ്പനികളും ഇന്ന് മത്സരിക്കുകയാണ്.സാംസങ്ങ് S 5 നെ സ്മാര്‍ട്ട് ഫോണുകളുടെ രാജാവ് എന്നാണ് വിളിക്കുന്നത് .എത്ര വല്യ രാജാവായാലും ഇപ്പോഴും ആഡ്രോയിഡിനെ കൈവിടാന്‍ തയ്യാറാകാതെയാണ് സാംസങ്ങ് കളിക്കുന്നത്…ആഡ്രോയിഡ് അവരുടെ അക്ഷയ പാത്രമാണ് .
എന്നാല്‍ ഫോണ്‍ എത്ര രാജാവായാലും ആഡ്രോയിഡില്‍ പ്രവര്‍ത്തിക്കുന്ന പല ആപ്ലിക്കേഷനുകളും നമ്മുടെ ഫോണിലെ വിവരങ്ങള്‍ ചോര്‍ത്തുന്നവയാണ് എന്നത് നേരെത്തെതന്നെ പല ടെക്മാദ്ധ്യമങ്ങളും റിപ്പോര്‍ട്ട് ചെയ്തിട്ടുണ്ട്.

ഫോണിന്റെ ഫീച്ചറുകള്‍ കൂടുംതോറും നമ്മള്‍ അതില്‍സൂക്ഷിക്കുന്ന ഡാറ്റയും കൂടിവരും. എന്നാല്‍ ഈ ഡാറ്റകള്‍ സുരക്ഷിതമാക്കുക എന്നത് ഫോണിനു കടുത്ത വെല്ലുവിളി തന്നെയാകും. സുരക്ഷയുടെ കാര്യത്തില്‍ സാംസങ്ങ്‌നെ വെല്ലുന്നത് ആപ്പിള്‍ തന്നെയാണ്. അടുത്ത് ഇറങ്ങാന്‍ പോകുന്ന ആപ്പിള്‍ ഐ ഫോണ്‍ 6 സാംസങ്ങ് S 5 നു കടുത്ത വെല്ലുവിളി ഉയര്‍ത്തും എന്ന കാര്യത്തില്‍ സംശയംവേണ്ട. സ്മാര്‍ട്ട് ഫോണുകളുടെ തമ്പുരാന്‍ ആയ ആപ്പിളില്‍ നിന്നും കടുത്ത മത്സരം നേരിടാനായി സാംസങ്ങ് S 5 നു കഴിയുമോ എന്നകാര്യം കാത്തിരുന്നു കാണേണ്ടി വരും.എന്നാല്‍ ചൈനീസ് കമ്പനികളുടെ വിലകുറഞ്ഞ സ്മാര്‍ട്ട് ഫോണുകള്‍ ഈ കമ്പനി രാജാക്കന്മാര്‍ക്ക് ഭീഷണി തന്നെയാണ്.
വിശ്വാസം അതല്ലേ എല്ലാം …അത് പോലെ സ്മാര്‍ട്ട് ഫോണുകളെ വിസ്വസിക്കുകയെ നിവര്‍ത്തിയുള്ളൂ. നമ്മുടെ ഡാറ്റ സുരക്ഷിതമാക്കേണ്ടത് നമ്മുടെ ഉത്തരവാദിത്തം ആണ്.

അജിത്‌ പി നായർ
കീഴാറ്റിങ്ങൽ