വീണ്ടും മഴക്കാലം ...

കാത്തിരുന്നൊരു മഴക്കാറുകൾ;

വിരുന്നെത്തിയീ തീച്ചൂളയിൽ

ചുട്ടു പൊള്ളിയ ധാത്രിക്കൊരുകുടം;

ദാഹജലം നൽകീടുന്നു.

വാടിക്കരിഞ്ഞൊരു റോസാ പുഷ്പ്പങ്ങൾ;

മാടി വിളിച്ചോരാ മഴനീർ മുത്തുകൾ;

ആമ്പൽ കുളത്തിലും പാടത്തെ തോടിലും

വീണ്ടും ചെറുമീനുകൾ കൂട്ടമായ്‌ വന്നുവോ ?

തളർന്നുറങ്ങിയ പക്ഷികൾക്കൊരു-

മഴപ്പാട്ടുമായ് മാനം തെളിയവെ;

മാമലക്കോണിലാ മിന്നൽ കതിരുകൾ;

ആകാശ വീഥിയിൽ നിന്നും കൊഴിയവേ

മനസ്സിൽ തണുപ്പുമായ് വീണ്ടും മഴക്കാലം

ആർത്തു ചിരിച്ചുവോ മാമര ചോട്ടിലും.

അജിത്‌ പി. നായർ

കീഴാറ്റിങ്ങൽ