താമരപ്പൂവ് നീ

വെയിൽ വന്നു തൊട്ടൊരാ താമരപ്പൂവ് നീ ..

സൂര്യന്റെ മാത്രം ഒരു പ്രേമ ഭാജനം..

രാവിലെ നിന്നെ തൊട്ടുണർത്താനായി

മാനത്തു മാത്രമാ സൂര്യൻ വരുന്നൂ..

സന്ധ്യയ്ക്ക് നീയങ്ങു വാടി മറയുമ്പോൾ

ചക്ര വാളങ്ങളിൽ സൂര്യൻ ഒളിക്കുന്നു...

നിൻ കണ്ണീരു വീണൊരാ മാന്ത്രിക പൊയ്കയിൽ

നിലാവ് മുങ്ങി ക്കുളിച്ചോരാ രാത്രിയിൽ

മാനത്തു നിന്നും ചന്ദ്രൻ പറഞ്ഞു

സൂര്യൻ വരും നിന്റെ കണ്ണുനീരൊപ്പാൻ.

രാവിലെ സൂര്യന്റെ ചുടു ചുംബനത്താൽ

കണ്ണു തുറന്നൊരു താമരപ്പൂവ് നീ...

അശ്വതി മോഹൻ

തോന്നയ്ക്കൽ